কংগ্ৰেছ আৰু ৰাইজৰ দলৰ মাজত মিত্ৰতা শেষ হোৱাৰ পিছত এতিয়া ইজনে আনজনক লক্ষ্য কৰি লৈছে। এইবাৰ কংগ্ৰেছৰ সাংসদ ৰকিবুল হুছেইনে অখিল গগৈক তীক্ষ্ণ সমালোচনা কৰিছে।
৪ ছেপ্টেম্বৰত কংগ্ৰেছৰ সাংসদ ৰকিবুল হুছেইনে ৰাইজৰ দলৰ বিধায়ক অখিল গগৈক আক্ৰমণ কৰি কয় যে তেওঁৰ প্ৰতি গগৈৰ খং উঠাটো স্বাভাবিক, কিন্তু ইয়াৰ লগতে তেওঁ গগৈৰ ৰাজনৈতিক সফলতাৰ দাবীক লৈও প্ৰশ্ন উত্থাপন কৰে।
বঙাইগাঁও জিলাৰ যোগীঘোপাত অখিল গগৈক উদ্দেশ্যি ৰকিবুল হুছেইনে কয়, “মোৰ ওপৰত তেওঁৰ খং উঠাটো স্বাভাৱিক। মই মন্ত্ৰী হৈ আছিলো আৰু ১৪-১৫ বছৰ ধৰি ৰাজনৈতিক জীৱনত আছিলো। তেতিয়া তেওঁ মোক জিকাইছিল নেকি?”
সাংসদ গৰাকীয়ে আৰু দাবী কৰে যে কংগ্ৰেছে অখিল গগৈক এখন ৰাজনৈতিক মঞ্চ প্ৰদান কৰিছিল, য’ত দলৰ নেতাসকলে সভাৰ আয়োজন কৰিছিল আৰু অখিল গগৈয়ে মূলতঃ মঞ্চৰ পৰা ভাষণহে দিছিল।
“আমি তেওঁৰ বাবে এখন মঞ্চ তৈয়াৰ কৰি দিছিলো। আমি সভাবোৰ অনুষ্ঠিত কৰিছিলো আৰু তেওঁ কেৱল মঞ্চৰ পৰা ৰাইজক সম্বোধনহে কৰিছিল। তাৰ পিছত তেওঁ ভাবিলে যে তেওঁহে আমাক জিকাইছে” বুলিও ৰকিবুল হুছেইনে কয়।
কংগ্ৰেছে ৰাইজৰ দলৰ সৈতে মিত্ৰতা ভংগ কৰাৰ সিদ্ধান্ত লোৱাৰ পিছত কংগ্ৰেছ আৰু অখিল গগৈৰ মাজত চলি থকা ৰাজনৈতিক বাকযুদ্ধৰ পৰিপ্ৰেক্ষিততে তেওঁ এই মন্তব্য কৰে।
লগতে পঢ়ক: ‘অত্যাচাৰীৰ আগত শিৰ নত নকৰো…’; বংগ চৰকাৰৰ ওপৰত ক্ষোভ মমতা বেনাৰ্জীৰ
