নগাঁও লোকসভা সমষ্টিৰ উপ-নিৰ্বাচনৰ বাবে কংগ্ৰেছ দলে ঘোষণা কৰিছে প্ৰাৰ্থীৰ নাম
নগাঁও লোকসভা সমষ্টিৰ উপ-নিৰ্বাচনৰ বাবে কংগ্ৰেছ দলে ঘোষণা কৰিছে প্ৰাৰ্থীৰ নাম। প্ৰাক্তন বিধায়ক শিৱামণি বৰাক নগাঁও লোকসভা উপ-নিৰ্বাচনৰ প্ৰাৰ্থী হিচাপে মনোনীত কৰিছে কংগ্ৰেছে।
সোমবাৰে প্ৰকাশ কৰা AICCৰ এক প্ৰেছ বিজ্ঞপ্তি অনুসৰি, কংগ্ৰেছ সভাপতি মল্লিকাৰ্জুন খাৰ্গেই শিৱামণি বৰাৰ প্ৰাৰ্থিত্বত অনুমোদন জনায় (Nagaon Lok Sabha by election)।
নগাঁও উপ-নিৰ্বাচনৰ বাবে কংগ্ৰেছে প্ৰস্তুতি তীব্ৰতৰ কৰি তোলাৰ সময়তে এই ঘোষণা কৰিছে। ইতিমধ্যে দলটোৱে সম্ভাৱ্য প্ৰাৰ্থীৰ তালিকা প্ৰস্তুত কৰা আৰু নিৰ্বাচনী ৰণনীতি চূড়ান্ত কৰাৰ বাবে কেইবাখনো বৈঠক অনুষ্ঠিত কৰিছিল (Nagaon bypoll 2026)।
উপ-নিৰ্বাচনৰ পূৰ্বে কংগ্ৰেছ আৰু বিজেপি দুয়োটা দলে প্ৰস্তুতি তীব্ৰতৰ কৰি তোলাত নগাঁও লোকসভা সমষ্টি এক গুৰুত্বপূৰ্ণ নিৰ্বাচনী যুঁজৰ কেন্দ্ৰবিন্দু হৈ পৰিছে।
কংগ্ৰেছৰ সাধাৰণ সম্পাদক কে চি বেণুগোপালে স্বাক্ষৰ কৰা AICCৰ বিজ্ঞপ্তিখনত উল্লেখ কৰা হৈছে যে, আগন্তুক লোকসভা উপ-নিৰ্বাচনৰ বাবে শিৱামণি বৰাক দলৰ প্ৰাৰ্থী হিচাপে মনোনয়ন দিয়াত কংগ্ৰেছ সভাপতি মল্লিকাৰ্জুন খাৰ্গেই অনুমোদন জনাইছে।
লগতে পঢ়ক: প্ৰাক্তন মন্ত্ৰী ছিদ্দিক আহমেদৰ দেহাৱসান
