চৰাইদেউৰ,শিৱসাগৰৰ বানাক্ৰান্ত ছাত্ৰ-ছাত্ৰীৰ বাবে ১.৫৬ কোটি টকাৰ সাহায্য ঘোষণা মুখ্যমন্ত্ৰীৰ
শিৱসাগৰ আৰু চৰাইদেউ জিলাৰ বানাক্ৰান্ত ছাত্ৰ-ছাত্ৰীক সহায়ৰ বাবে মুখ্যমন্ত্ৰীৰ সাহায্য পুঁজিৰ পৰা ১.৫৬ কোটি টকা হস্তান্তৰত অনুমোদন জনাইছে অসমৰ মুখ্যমন্ত্ৰী ড০ হিমন্ত বিশ্ব শৰ্মাই।
অসমৰ মুখ্যমন্ত্রী ড০ হিমন্ত বিশ্ব শৰ্মাই শিৱসাগৰ আৰু চৰাইদেউ জিলাৰ বানপীড়িত শিক্ষাৰ্থীসকলক সহায়ৰ বাবে মুখ্যমন্ত্রীৰ সাহায্য পুঁজিৰ পৰা ১.৫৬ কোটি টকা আৱন্তনত অনুমোদন জনাইছে।
মুখ্যমন্ত্ৰী গৰাকীয়ে কয় যে বানপানীৰ পাছত শিক্ষাৰ্থীসকলে যাতে নিজৰ পঢ়া-শুনা চলাই যাব পাৰে, তাৰ বাবে ৫,১৫৮ গৰাকী স্নাতক আৰু স্নাতকোত্তৰ পৰ্যায়ৰ শিক্ষাৰ্থীক এই সাহায্য প্ৰদান কৰা হ’ব। এক নিৰ্দেশনা অনুসৰি, বানপীড়িত শিক্ষাৰ্থীসকলক অধ্যয়নৰ সামগ্ৰী ক্ৰয় কৰাত সাহায্য প্ৰদানৰ বাবে অসমৰ উচ্চ শিক্ষা সঞ্চালকালয়লৈ ১,৫৬,৪০,০০০ টকা হস্তান্তৰ কৰা হৈছে।
উচ্চ শিক্ষা সঞ্চালকালয়ৰ জৰিয়তে যোগ্য শিক্ষাৰ্থীসকললৈ এই সাহায্য পুঁজি মুকলি কৰি দিয়া হ’ব।
এই সাহায্যৰ মূল উদ্দেশ্য হৈছে বানপীড়িত শিক্ষাৰ্থীসকলক তেওঁলোকৰ শৈক্ষিক প্ৰয়োজনীয়তা পূৰণ কৰাত সহায় কৰা আৰু পঢ়া-শুনা অব্যাহত ৰখা।
লগতে পঢ়ক: “অহা ২০ বছৰলৈ অসমত কংগ্ৰেছ নাহে”; কংগ্ৰেছক তীক্ষ্ণ কটাক্ষ মুখ্যমন্ত্ৰীৰ
