অসমৰ মুখ্যমন্ত্ৰী ড০ হিমন্ত বিশ্ব শৰ্মাই গুৱাহাটীৰ আশে-পাশে আন্তঃসংযোগী ছেটেলাইট চিটিৰ নিৰ্মাণৰ পৰিকল্পনা ঘোষণা কৰিছে। এই পদক্ষেপৰ লক্ষ্য হৈছে যানজঁট কমোৱা, সংযোগ উন্নত কৰা আৰু পৰিকল্পিত নগৰ বৃদ্ধিৰ সমৰ্থন কৰা।
অসমৰ মুখ্যমন্ত্ৰী ড০ হিমন্ত বিশ্ব শৰ্মাই ৯ জুলাইত ঘোষণা কৰে যে গুৱাহাটীৰ নগৰীকৰণৰ পৰৱৰ্তী পৰ্যায়ত এক গতিশীল, আন্তঃসংযোগকাৰী ছেটেলাইট চিটিৰ নেটৱৰ্ক গঢ়ি তোলাৰ ওপৰত গুৰুত্ব দিয়া হ’ব, যাৰ লক্ষ্য হৈছে ৰাজ্যৰ ৰাজধানীখনৰ যান-জঁট আৰু জনসংখ্যাৰ চাপ হ্ৰাস কৰা আৰু সমগ্ৰ নগৰীয়া জীৱন ধাৰণৰ মানদণ্ড উন্নত কৰা।
এক্সত এই দূৰদৰ্শী পৰিকল্পনা ভাগ-বতৰা কৰি মুখ্যমন্ত্ৰীগৰাকীয়ে কয় যে প্ৰস্তাৱিতছেটেলাইট চিটিসমূহে গুৱাহাটীৰ দীৰ্ঘম্যাদী উন্নয়নত সহায় কৰাৰ লগতে উন্নত পৰিকল্পনা, যোগাযোগ ব্যৱস্থা আৰু বাসিন্দাসকলৰ বাবে সহজ জীৱন ধাৰণনিশ্চিত কৰিব। মুখ্যমন্ত্ৰী গৰাকীয়ে আৰু কয় যে গুৱাহাটী স্মাৰ্ট চিটি ডেভেলপমেণ্ট অথৰিটি (GSCDA) এ এই নতুন নগৰীয়া কেন্দ্ৰসমূহৰ পৰিকল্পনা, নক্সা প্ৰস্তুত আৰু বিত্তীয় যোগান ধৰাৰ বাবে দায়বদ্ধ হ’ব, যিবোৰে ভৱিষ্যতৰ জনসংখ্যা বৃদ্ধি আৰু অৰ্থনৈতিক প্ৰসাৰত গুৰুত্বপূৰ্ণ ভূমিকা পালন কৰিব বুলি আশা কৰা হৈছে।
মুখ্যমন্ত্ৰীগৰাকীয়ে কয়, “গুৱাহাটীৰ নগৰীকৰণৰ পৰৱৰ্তী পৰ্যায়টো এক গতিশীল, আন্তঃসংযোগকাৰী ছেটেলাইট চিটিৰ নেটৱৰ্ক হ’ব, যিয়ে ৰাজধানীখনৰ ভিৰ কমোৱাত আৰু জীৱন ধাৰণৰ প্ৰক্ৰিয়া সহজ কৰি তোলাত সহায় কৰিব।”
এই পদক্ষেপটো পৰিকল্পিত নগৰীকৰণক প্ৰসাৰিত কৰা, আন্তঃগাঁথনি শক্তিশালী কৰা আৰু গুৱাহাটীৰ চাৰিওফালে বহনক্ষম উন্নয়ন কেন্দ্ৰ গঢ়ি তোলাৰ বাবে অসম চৰকাৰৰ এক ব্যাপক ৰণনীতিৰ অংশ, যাৰ ফলত বিদ্যমান চহৰখনৰ ওপৰত থকা চাপ হ্ৰাস পাব আৰু ভাৰসাম্যপূৰ্ণ আঞ্চলিক বিকাশ সম্ভৱ হ’ব।
