সূৰ্য্য চিমেণ্টৰ প্ৰস্তুতকৰ্তা পূৰ্বাঞ্চল চিমেণ্ট লিমিটেডে আজি মুখ্যমন্ত্ৰীৰ সাহায্য পুঁজি, অসমলৈ ২১,০০,০০০ টকাৰ বিত্তীয় অনুদান আগবঢ়ায়।
অসম জুৰি প্লাৱনৰ ফলত ক্ষতিগ্ৰস্ত পৰিয়াল আৰু আন্তঃগাঁথনিৰ ভয়াবহ পৰিস্থিতিৰ প্ৰতি লক্ষ্য ৰাখি, সূৰ্য্য চিমেণ্টৰ প্ৰস্তুতকৰ্তা পূৰ্বাঞ্চল চিমেণ্ট লিমিটেডে আজি মুখ্যমন্ত্ৰীৰ সাহায্য পুঁজি, অসমলৈ ২১,০০,০০০ টকাৰ বিত্তীয় অনুদান আগবঢ়ায়।
গুৱাহাটীস্থিত মুখ্যমন্ত্ৰীৰ কাৰ্যালয়ত আয়োজিত এক বৈঠকত পূৰ্বাঞ্চল চিমেণ্ট লিমিটেডৰ পৰিচালন সঞ্চালক শ্ৰী বেদান্ত আগৰৱালে অসমৰ মাননীয় মুখ্যমন্ত্ৰী ড° হিমন্ত বিশ্ব শৰ্মাক আনুষ্ঠানিকভাৱে এই চেকখন অৰ্পণ কৰে।
এই অনুদানৰ উদ্দেশ্য হৈছে ৰাজ্যৰ বানপীড়িত অঞ্চলসমূহত ৰাজ্য চৰকাৰে গ্ৰহণ কৰা জৰুৰীকালীন সাহায্য, মানৱীয় সাহায্য আৰু পুনৰসংস্থাপনৰ প্ৰচেষ্টাসমূহক সমৰ্থন কৰা।
এই পদক্ষেপ সন্দৰ্ভত পূৰ্বাঞ্চল চিমেণ্ট লিমিটেডৰ পৰিচালন সঞ্চালক শ্ৰী বেদান্ত আগৰৱালে কয় “অসমজুৰি সংহাৰী বানৰ ফলত দুৰ্দশাগ্ৰস্ত হোৱা হেজাৰ হেজাৰ পৰিয়াললৈ আমাৰ আন্তৰিক সমবেদনা জ্ঞাপন কৰিছো। পূৰ্বাঞ্চল চিমেণ্টত আমি ৰাজ্য প্ৰশাসনৰ জিৰণিহীন সাহায্য আৰু পুনৰুদ্ধাৰ প্ৰচেষ্টাক সমৰ্থন কৰাটো আমাৰ দায়িত্ব বুলি ভাবোঁ। আমি আশা কৰোঁ যে এই বৰঙণিয়ে তাৎক্ষণিক সাহায্য প্ৰদান কৰাত আৰু দুৰ্গতিগ্ৰস্ত লোকসকলক তেওঁলোকৰ জীৱন পুনৰ গঢ়ি তোলাত সহায় কৰিব।”
ইয়াৰ উপৰিও, পূৰ্বাঞ্চল চিমেণ্ট লিমিটেডৰ উপ-সভাপতি (প্লাণ্ট) শ্ৰী সুব্ৰত কুমাৰ ঢালে কয় “এনে প্ৰাকৃতিক দুৰ্যোগৰ সময়ত সামূহিক পদক্ষেপ লোৱাটো অত্যন্ত প্ৰয়োজনীয় হৈ পৰে। আমাৰ উৎপাদন কাৰ্যৰ উপৰিও, আমাৰ সমগ্ৰ প্লাণ্ট আৰু কাৰ্যবাহী দলটোৱে অসমৰ ৰাইজৰ সুৰক্ষা, স্বাস্থ্য আৰু কুশলতাক অগ্ৰাধিকাৰ দি সাহায্য কাৰ্যসূচীক সমৰ্থন কৰিবলৈ সদায় প্ৰতিশ্ৰুতিবদ্ধ।”
পূৰ্বাঞ্চল চিমেণ্ট লিমিটেডৰ দ্বাৰা উৎপাদিত সূৰ্য্য চিমেণ্ট হ’ল মৈথান গ্ৰুপৰ এক গৌৰৱোজ্জ্বল অংশ। মৈথান গ্ৰুপ হৈছে ইস্পাত, ৰিফ্ৰেক্টৰী আৰু মূল আন্তঃগাঁথনি খণ্ডত দীৰ্ঘদিনীয়া ঐতিহ্য বহনকাৰী এক বিশ্বাসযোগ্য ঔদ্যোগিক গোষ্ঠী। ২০০৮ চনত প্ৰতিষ্ঠিত পূৰ্বাঞ্চল চিমেণ্ট লিমিটেডে অসমৰ সোণাপুৰত এখন সম্পূৰ্ণ সংহত চিমেণ্ট প্ৰস্তুতকৰণ কাৰখানা পৰিচালনা কৰে, যিয়ে উত্তৰ-পূৰ্বাঞ্চল আৰু পূব ভাৰতত উন্নতমানৰ নিৰ্মাণ সামগ্ৰী যোগান ধৰি আহিছে।
‘সূৰ্য্য চিমেণ্ট’ ব্ৰেণ্ড নামৰ অধীনত—সূৰ্য্য গ’ল্ড (PPC/OPC) আৰু সূৰ্য্য কংক্ৰিটেকৰ দৰে জনপ্ৰিয় সামগ্ৰীৰে—কোম্পানীটোৱে উৎকৃষ্ট শক্তি আৰু স্থায়িত্বৰ বাবে BIS-মানদণ্ড আৰু ISO-প্ৰমাণিত চিমেণ্ট প্ৰস্তুত কৰে। উৎপাদনৰ শ্ৰেষ্ঠত্বৰ বাহিৰেও, পূৰ্বাঞ্চল চিমেণ্ট লিমিটেড পৰিৱেশৰ স্থায়িত্ব, সম্প্ৰদায়ৰ সবলীকৰণ, দুৰ্যোগ প্ৰশমন আৰু আঞ্চলিক বিকাশৰ প্ৰতি গভীৰভাৱে প্ৰতিশ্ৰুতিবদ্ধ।
লগতে পঢ়ক: বানপীড়িতৰ সহায় নে ধন সংগ্ৰহৰ খেল? CIDয়ে আৰম্ভ কৰিলে বৃহৎ তদন্ত
