অসমৰ ক্ৰীড়াপ্ৰেমীৰ বাবে সুখবৰ; গুৱাহাটী আৰু ডিব্ৰুগড়ত ‘মুখ্যমন্ত্ৰী ফিফা ফেন পাৰ্ক’ৰ আয়োজন
অসমৰ ক্ৰীড়া সংস্কৃতিক এক নতুন দিশ প্ৰদান কৰিবলৈ ‘মুখ্যমন্ত্ৰী ফিফা ফেন পাৰ্ক’ নামৰ এক পদক্ষেপ গ্ৰহণ। সামাজিক মাধ্যমযোগে মুখ্যমন্ত্ৰী ড০ হিমন্ত বিশ্ব শৰ্মাই এই কথা সদৰি কৰে।
ফিফা বিশ্বকাপ ২০২৬ চলি থকাৰ মাজতে ৰাজ্যৰ ক্ৰীড়া সংস্কৃতিক এক নতুন দিশ প্ৰদান কৰিবলৈ ‘মুখ্যমন্ত্ৰী ফিফা ফেন পাৰ্ক’ নামৰ এক পদক্ষেপ গ্ৰহণ কৰিছে। সামাজিক মাধ্যমযোগে এই কথা জনাইছে মুখ্যমন্ত্ৰী ড০ হিমন্ত বিশ্ব শৰ্মাই।
অসমৰ ফুটবল অনুৰাগীসকলে গুৱাহাটী আৰু ডিব্ৰুগড়ত স্থাপন কৰা বিশেষ ফ্যান পাৰ্কত ফিফা বিশ্বকাপ ২০২৬ৰ খেলসমূহ উপভোগ কৰিব পাৰিব বুলি দেওবাৰে, ২৮ জুনত মুখ্যমন্ত্ৰী গৰাকীয়ে ঘোষণা কৰে।
সামাজিক মাধ্যম যোগে কৰা এক পোষ্টত মুখ্যমন্ত্ৰীগৰাকীয়ে কয় যে অসম পৰ্যটন উন্নয়ন নিগমৰ (ATDC) দ্বাৰা আয়োজিত ‘মুখ্যমন্ত্ৰী ফিফা ফেন পাৰ্ক’ (CM FIFA Fan Park) পদক্ষেপটোৰ উদ্দেশ্য হ’ল ফুটবল অনুৰাগীসকলক এই প্ৰতিযোগিতাৰ সময়ত এক অনন্য সামূহিক প্ৰদৰ্শনীৰ অভিজ্ঞতা প্ৰদান কৰা। এই ফেন পাৰ্কসমূহ ২৯ জুনত গুৱাহাটীৰ লতাশিল খেলপথাৰত আৰু ৩০ জুনত ডিব্ৰুগড়ৰ চৌকিডিংগী খেলপথাৰত মুকলি কৰা হ’ব, য’ত সমৰ্থকসকলে বৃহৎ স্ক্ৰীনত আন অনুৰাগীসকলৰ সৈতে খেল উপভোগ কৰিব পাৰিব।
ফুটবল প্ৰেমীসকলক এই অনুষ্ঠানত অংশগ্ৰহণ কৰিবলৈ আহ্বান জনাই মুখ্যমন্ত্ৰী গৰাকীয়ে কয় যে কেইবাশ সমৰ্থকৰ সৈতে একেলগে বিশ্বকাপ চোৱাটোৱে এই অভিজ্ঞতাক অধিক স্মৰণীয় কৰি তুলিব।
লগতে পঢ়ক: গুৱাহাটীত মুখ্যমন্ত্ৰীক সাক্ষাৎ ক্ৰিকেট কিংবদন্তি সুনীল গাভাস্কাৰৰ
