বৃহস্পতিবাৰে আবেলি প্ৰায় ৩.৩০ বজাত যোৰহাটৰ নিমাতিঘাটৰ পৰা মাজুলী অভিমুখে গৈ আছিল এখন যাত্ৰীবাহী ফেৰী। কিন্তু যান্ত্ৰিক বিজুতিৰ বাবেই ব্ৰহ্মপুত্ৰৰ বুকুত আৱদ্ধ জলতৰি নামৰ জাহাজখন।
ব্ৰহ্মপুত্ৰৰ বুকুত আৱদ্ধ হৈ পৰে যাত্ৰীবাহী ফেৰী।যান্ত্ৰিক বিজুতিৰ বাবেই লুইতৰ বুকুত আৱদ্ধ জলতৰি নামৰ জাহাজখন। জানিব পৰা মতে ফেৰীখন ৩.৩০ বজাত যোৰহাটৰ নিমাতিঘাটৰ পৰা মাজুলী অভিমুখে গৈ আছিল।ফেৰিখনত ৪৫ গৰাকী যাত্ৰীৰ লগতে কেইবাখনো বাহন আছে।
লুইতৰ বুকুত জাহাজখন আৱদ্ধ হোৱাত যাত্ৰী সকলৰ মাজত হাহাকাৰ পৰিস্থিতিৰ সৃষ্টি হয়। ফেৰী খন আৱদ্ধ হৈ পৰা স্থানত এটি বনৰীয়া হাতীৰ জাকে অৱস্থান কৰিছে।অৱশ্যে পিছত উদ্ধাৰকাৰী দলে আৱদ্ধ হৈ পৰা যাত্ৰীসকলক সুৰক্ষিতভাৱে উদ্ধাৰ কৰা হয়। ফেৰীখনত ২২ খন দুচকীয়া বাহন আৰু ২ খন চাৰিচকীয়া বাহনো আছিল।
লগতে পঢ়ক: গুৱাহাটী বিমানবন্দৰত মোতায়ন হ’ল অত্যাধুনিক গগনচুম্বী সংকটকালীন অগ্নিনিৰ্বাপক বাহন
