সদনত UCC বিধেয়কক লৈ চলি থকা বিতৰ্কৰ মাজতে তৃণমূল কংগ্ৰেছৰ বিধায়ক শ্বেৰমান আলীয়ে মুছলমান বিবাহক লৈ যুক্তি দৰ্শাইছে।
UCC বিধেয়ক সন্দৰ্ভত অসম বিধানসভাৰ আলোচনাৰ সময়ত মন্দিয়াৰ তৃণমূল কংগ্ৰেছৰ বিধায়ক শ্বেৰমান আলীয়ে বিস্ফোৰক মন্তব্য কৰিছে। বিধায়ক গৰাকীয়ে কৈছে যে, “মুছলমান সমাজত চলি থকা কিছুমান নিয়ম সলনি কৰিব লাগে।UCC ত থকা বাল্য বিবাহ বন্ধ কৰক, লিভ-ইন-টুগেডাৰ বিষয়ত মোৰ সমৰ্থন আছে। কিন্তু বহু বিবাহ বন্ধ কৰা সম্পৰ্কত কোৰাণতে লিখা আছে। এজনীয়েই থাকক কিন্তু,মই চাচাৰ ছোৱালী বিয়া কৰো, মাহীৰ ছোৱালী বিয়া কৰো সেয়া নিজৰ কথা।আৰু সেয়া কোৰাণত ভালদৰে আছে। তাত কেনেকৈ বাধা নিষেধ কৰিব।এইটো কোৰাণৰ সম্পূৰ্ণ বিৰোধী।
বিধায়ক গৰাকীয়ে লগতে কয় যে, “Article 25 আৰু 26 ক লংঘন কৰা হৈছে।শ্বৰীয়তত বিচ্ছেদৰ নিয়ম নাই। UCCয়ে এজনীৰ লগত আইনী বিচ্ছেদ কৰি দ্বিতীয় বিবাহৰ কথা কৈছে। UCC ত ডিভোৰ্চ দিয়া পত্নীক পুনৰ বিবাহৰ অনুমতি দিয়া হৈছে। সংবিধানে দিয়া ধৰ্মৰ অধিকাৰত চৰকাৰে কেনেকৈ হস্তক্ষেপ কৰিব পাৰে।ইয়াৰ পৰা ট্ৰাইবেল সমূহক কিয় বাদ দিয়া হ’ল” বুলিও কয় বিধায়ক শ্বেৰমান আলীয়ে।
লগতে পঢ়ক: ‘UCCৰ পৰা মুছলমান সমাজক বাদ দিয়ক’; বিধায়ক মজিবুৰ ৰহমান
