Assam CM convoy ambulance: এম্বুলেন্স ৰখাই পাৰ কৰিছিল মুখ্যমন্ত্ৰীৰ কনভয়, নিলম্বিত ৪ আৰক্ষী বিষয়া-জোৱান
Assam CM convoy ambulance: মুখ্যমন্ত্ৰীৰ কনভয়ৰ বাবে ৰখোৱা হ’ল এম্বুলেন্স, ৪ আৰক্ষীৰ বিৰুদ্ধে কঠোৰ ব্যৱস্থা
শিলচৰত মুখ্যমন্ত্ৰী ড০ হিমন্ত বিশ্ব শৰ্মাৰ কনভয় পাৰ হ’বলৈ দি এজন ৰোগীক কঢ়িয়াই নিয়া এম্বুলেন্স ৰখাই দিয়াৰ ঘটনাৰ পিছত চাৰিজন আৰক্ষী বিষয়াক নিলম্বন কৰা হৈছে (Assam CM convoy ambulance)।
মুখ্যমন্ত্ৰী হিমন্ত বিশ্ব শৰ্মাই কনভয় পাৰ হ’বলৈ এম্বুলেন্সখন ৰখাই দিয়াৰ ঘটনাৰ বাবে ৰাজহুৱাভাৱে ৰোগীজন আৰু তেওঁৰ পৰিয়ালৰ ওচৰত ক্ষমা বিচৰাৰ কেইঘণ্টামান পিছতে এই ব্যৱস্থা গ্ৰহণ কৰা হয় (Himanta Biswa Sarma apology)।
ঘটনাটোক ‘গ্ৰহণযোগ্য নহয়’ বুলি অভিহিত কৰি মুখ্যমন্ত্ৰী ড০ শৰ্মাই কয়, “জৰুৰী চিকিৎসাৰ প্ৰয়োজন হোৱা কোনো লোকৰ জীৱনতকৈ কোনো মুখ্যমন্ত্ৰীৰ পথ মুকলি কৰি দিয়াটো কেতিয়াও অগ্ৰাধিকাৰ হ’ব নালাগে (Assam CM Convoy Silchar)।”
মুখ্যমন্ত্ৰীগৰাকীয়ে কয় যে ভিআইপিৰ যাতায়াতে যাতে সাধাৰণ নাগৰিকৰ চলাচলত ব্যাঘাত জন্মাব নোৱাৰে, সেই সন্দৰ্ভত তেওঁ ইতিমধ্যে স্পষ্ট নিৰ্দেশনা জাৰি কৰিছিল। কিন্তু এই ঘটনাত সেই নিৰ্দেশনা কাৰ্যকৰী হোৱা নাছিল বুলিও তেওঁ স্বীকাৰ কৰে।
ড০ শৰ্মাই কয় যে ঘটনাটোৰ বাবে দায়ীসকলৰ বিৰুদ্ধে কঠোৰ ব্যৱস্থা গ্ৰহণ কৰিবলৈ তেওঁ সংশ্লিষ্ট বিষয়াসকলক নিৰ্দেশ দিয়াৰ লগতে ঘটনাটোৰ তদন্তৰো নিৰ্দেশ দিছে।
মুখ্যমন্ত্ৰীৰ নিৰ্দেশৰ পিছতে চাৰিজন আৰক্ষীক নিলম্বন কৰা হৈছে। একে সময়তে ভিআইপি কনভয়ৰ যাতায়াতৰ নিয়ম, বিশেষকৈ পথত এম্বুলেন্সৰ দৰে জৰুৰীকালীন বাহন থাকিলে সেইসমূহক অগ্ৰাধিকাৰ দিয়াৰ বিষয়টো পুনৰ চৰ্চালৈ আহিছে।
মুখ্যমন্ত্ৰী ড০ শৰ্মাই লগতে সতৰ্ক কৰি দিয়ে যে তেওঁৰ কনভয়ৰ চলাচল সন্দৰ্ভত জাৰি কৰা নিৰ্দেশনা ‘আখৰে আখৰে’ কাৰ্যকৰী কৰা হ’ব আৰু কোনোবাই সেই নিৰ্দেশনা উলংঘা কৰা প্ৰমাণিত হ’লে কঠোৰ ব্যৱস্থা গ্ৰহণ কৰা হ’ব।
নিলম্বিত হোৱা আৰক্ষী কেইজন হৈছে-
SI বিজয় গোস্বামী, SI শিৱশংকৰ দাস, জোৱান জহুৰুল ইছলাম আৰু কাওছাৰ আহমেদ বৰভূঁইয়া।
