Nimisha Thakuria death case: নিমিষা ঠাকুৰীয়া কাণ্ডঃ আদালতত হাজিৰ প্ৰেমিক আছিক আলী

Nimisha Thakuria death case: নিমিষা ঠাকুৰীয়া কাণ্ড: প্ৰেমিক আশিক আলীক আদালতত হাজিৰ

গুৱাহাটী বিশ্ববিদ্যালয়ৰ ছাত্ৰী নিমিষা ঠাকুৰীয়াৰ হত্যাকাণ্ডৰ গোচৰত গ্ৰেপ্তাৰ হোৱা তথা যুৱতীগৰাকীৰ প্ৰেমিক বুলি জানিব পৰা আছিক আলীক সোমবাৰে আদালতত হাজিৰ কৰোৱা হয়। চাঞ্চল্যকৰ এই ঘটনাক লৈ নতুন নতুন তথ্য পোহৰলৈ অহাৰ মাজতে আছিকক আদালতত হাজিৰ কৰোৱা হয় (Nimisha Thakuria death case)।

নিমিষাৰ সৈতে প্ৰেমৰ সম্পৰ্কত থকা বুলি জানিব পৰা আছিকক শনিবাৰে পুৱা এই চাঞ্চল্যকৰ ঘটনা পোহৰলৈ অহাৰ পিছতে আৰক্ষীয়ে আটক কৰিছিল (Nimisha Thakuria death)।

ইফালে, মিটু আলী নামৰ হোমষ্টেৰ আন এগৰাকী কৰ্মচাৰীকো আৰক্ষীয়ে সোধা-পোছাৰ বাবে আটক কৰে। আৰক্ষীৰ সূত্ৰ অনুসৰি, তেওঁ একাধিকবাৰ আছিক আৰু নিমিষাৰ হোমষ্টেত থকাৰ ব্যৱস্থা কৰি দিছিল।

ইয়াৰ মাজতে কিছুমান অপ্ৰমাণিত খবৰ পোহৰলৈ আহিছে যে নিমিষা আৰু আছিকৰ কেইবাখনো ফটো আৰু ভিডিঅ’ আছিকৰ ম’বাইল ফোনৰ পৰা উদ্ধাৰ কৰা হৈছে। ইয়াৰে কিছুমান ফটো আৰু ভিডিঅ’ সেই নিশাই তোলা বুলি জানিব পৰা গৈছে, যি নিশা ৰহস্যজনক পৰিস্থিতিত যুৱতীগৰাকীৰ মৃত্যু হোৱা বুলি অভিযোগ উঠিছে (Nimisha Thakuria case)।

আছিক আৰু নিমিষাই শুকুৰবাৰে নিশা গুৱাহাটীৰ উপকণ্ঠৰ গড়লস্থিত এটা হোমষ্টেত প্ৰৱেশ কৰিছিল। নিশাই সেইদিনা সন্ধিয়া প্ৰায় ৫ বজাত ঘৰৰ পৰা ওলাই গৈছিল। তেওঁ বন্ধুসকলৰ সৈতে জন্মদিনৰ পাৰ্টি কৰিব বুলি পৰিয়ালক কৈছিল। লগতে পলম হ’লে ঘৰলৈ উভতি নাহি বন্ধুৰ হোষ্টেলত থাকিব বুলিও কৈছিল (Assam crime news)।

গুৱাহাটীৰ পশ্চিম প্ৰান্তৰ ধাৰাপুৰৰ সমাজবিজ্ঞানৰ স্নাতক শ্ৰেণীৰ ছাত্ৰী নিমিষাক পিছত মাজনিশা হোমষ্টেত অচেতন অৱস্থাত উদ্ধাৰ কৰা হয়।

প্ৰথমে নিমিষাক ওচৰৰ এখন চিকিৎসালয়লৈ লৈ যোৱা হয়। তাৰ পিছত তেওঁক গুৱাহাটী চিকিৎসা মহাবিদ্যালয় হাস্পতাল (GMCH)লৈ অনা হয়। চিকিৎসকে তেওঁক “মৃত” বুলি ঘোষণা কৰে।

ইফালে, নিশাৰ পিতৃয়ে অভিযোগ কৰিছে যে তেওঁৰ কন্যাক দলবদ্ধ ধৰ্ষণ কৰি হত্যা কৰা হৈছিল আৰু সমগ্ৰ ঘটনাটো পূৰ্বপৰিকল্পিত আছিল।

ইফালে, অভিযোগ-প্ৰত্যাভিযোগৰ মাজতে আছিক আলীৰ মাতৃয়ে কয় যে তেওঁৰ পুত্ৰ আৰু নিমিষাই ইজনে-সিজনক ভালদৰে চিনি পাইছিল আৰু বিগত পাঁচ বছৰে তেওঁলোকৰ মাজত প্ৰেমৰ সম্পৰ্ক আছিল।

তেওঁ কয় যে ঈদৰ সময়তো নিমিষাই গাড়ীগাঁৱস্থিত তেওঁলোকৰ ঘৰলৈ আহিছিল আৰু নিমিষাৰ পৰিয়ালেও তেওঁলোকৰ এই সম্পৰ্কৰ বিষয়ে জানিছিল।

লগতে পঢ়ক: Gauhati University student death: নিমিষা ঠাকুৰীয়া কাণ্ডঃ প্ৰেমিক আছিক আলীক গ্ৰেপ্তাৰ