স্বাস্থ্য, ক্ৰীড়া আৰু নগৰীয়া আন্তঃগাঁথনি- ৩ বৃহৎ প্ৰকল্পৰ অগ্ৰগতি পৰ্যালোচনা মুখ্যমন্ত্ৰীৰ
মুখ্যমন্ত্ৰী ড০ হিমন্ত বিশ্ব শৰ্মাই ২১ ছেপ্টেম্বৰত ৰাজ্যখনৰ কেইবাটাও গুৰুত্বপূৰ্ণ উন্নয়নমূলক প্ৰকল্পৰ অগ্ৰগতি পৰ্যালোচনা কৰে। ইয়াৰ ভিতৰত গুৱাহাটীস্থিত AIIMS, ২০,০০০ আসনবিশিষ্ট আন্তঃৰাষ্ট্ৰীয় মানৰ ক্ৰিকেট ষ্টেডিয়াম আৰু আমিনগাঁৱত প্ৰস্তাৱিত বহুতলীয়া গাড়ী পাৰ্কিং ব্যৱস্থা অন্যতম (Amingaon Multi Level Parking)।
এই পৰ্যালোচনাত বৃহৎ প্ৰকল্পসমূহৰ অগ্ৰগতি আৰু অসমত আন্তঃগাঁথনি উন্নয়নত এই প্ৰকল্পসমূহে আগবঢ়াব পৰা অৱদানৰ ওপৰত গুৰুত্ব দিয়ে মুখ্যমন্ত্ৰীগৰাকীয়ে (Assam CM Project Review)।
AIIMS গুৱাহাটী প্ৰকল্পই ৰাজ্যখনৰ স্বাস্থ্যসেৱাৰ আন্তঃগাঁথনি অধিক শক্তিশালী কৰাৰ সম্ভাৱনা আছে। আনহাতে, প্ৰস্তাৱিত আন্তঃৰাষ্ট্ৰীয় মানৰ ক্ৰিকেট ষ্টেডিয়ামটোৰ জৰিয়তে অসমৰ ক্ৰীড়া আন্তঃগাঁথনি সম্প্ৰসাৰণৰ লগতে ক্ৰিকেটৰ বিভিন্ন গুৰুত্বপূৰ্ণ অনুষ্ঠান অনুষ্ঠিত কৰাৰ বাবে এক বৃহৎ ক্ৰীড়া ক্ষেত্ৰ গঢ়ি তোলাৰ লক্ষ্য লোৱা হৈছে।
আমিনগাঁৱত প্ৰস্তাৱিত বহুতলীয়া গাড়ী পাৰ্কিং ব্যৱস্থাটো হৈছে দ্ৰুতগতিত বৃদ্ধি পোৱা অঞ্চলটোৰ নগৰীয়া আন্তঃগাঁথনি শক্তিশালী কৰাৰ লগতে পাৰ্কিঙৰ প্ৰয়োজনীয়তা পূৰণৰ প্ৰচেষ্টাৰ অংশ।
মুখ্যমন্ত্ৰীৰ কাৰ্যালয়ে প্ৰকাশ কৰা অনুসৰি, এই প্ৰকল্পসমূহ সম্পূৰ্ণ হোৱাৰ পিছত অসমৰ স্বাস্থ্যসেৱা, ক্ৰীড়া আৰু নগৰীয়া আন্তঃগাঁথনিৰ ক্ষেত্ৰত গুৰুত্বপূৰ্ণ অৱদান আগবঢ়াব। চৰকাৰে প্ৰকল্পসমূহৰ অগ্ৰগতি নিৰন্তৰভাৱে নিৰীক্ষণ কৰি থাকিব।
লগতে পঢ়ক: চন্দ্ৰপুৰত ইছৰোৰ অত্যাধুনিক ৰাডাৰ কেন্দ্ৰৰ ভূমি পূজন মুখ্যমন্ত্ৰীৰ
