লাখ লাখ মহিলাৰ বাবে মুখ্যমন্ত্ৰীৰ দুৰ্গা পূজাৰ উপহাৰ। ১৫০০ টকাকৈ লাভ কৰিব অৰুণোদয়ৰ ধন।
ৰাজ্যিক কেবিনেটে অসম মুছলিম বিবাহ পঞ্জীয়ন বিধি, ২০২৬ত অনুমোদন জনাইছে। নতুন এই ব্যৱস্থাৰ অধীনত মুছলিম সম্প্ৰদায়ৰ লোকসকলে নিজৰ বিবাহ পঞ্জীয়ন কৰিব পাৰিব (ASSAM CABINET DECISION 2026)।
কেবিনেটৰ সিদ্ধান্ত অনুসৰি, প্ৰথম পৰ্যায়ত নিৰ্ধাৰিত পঞ্জীয়ন ব্যৱস্থাৰ জৰিয়তে বিবাহ পঞ্জীয়নৰ সুবিধা উপলব্ধ হ’ব। পৰৱৰ্তী সময়ত এই সেৱা পঞ্চায়ত পৰ্যায়লৈ সম্প্ৰসাৰণ কৰাৰ পৰিকল্পনা কৰা হৈছে, যাতে অধিক সহজে বিবাহ পঞ্জীয়ন কৰিব পৰা যায়।
ইফালে, কেবিনেটে অৰুণোদয় আঁচনিৰ হিতাধিকাৰীসকলৰ বাবে বিশেষ পূজা বোনাছ ঘোষণা কৰিছে।
এই সিদ্ধান্ত অনুসৰি, অক্টোবৰত অৰুণোদয়ৰ হিতাধিকাৰীসকলে নিয়মীয়া মাহিলী ১,২৫০ টকাৰ পৰিৱৰ্তে ১,৫০০ টকা লাভ কৰিব।
দুৰ্গা পূজাৰ পূৰ্বে উৎসৱৰ বতৰত বিশেষ সুবিধা হিচাপে এই অতিৰিক্ত ধন প্ৰদান কৰা হ’ব।
অৰুণোদয় আঁচনিৰ অধীনত অৰ্থনৈতিকভাৱে দুৰ্বল পৰিয়ালৰ যোগ্য হিতাধিকাৰীসকলক মাহিলী আৰ্থিক সহায় আগবঢ়োৱা হয়।
লগতে কেবিনেটে অক্টোবৰত ৰাজসাহায্যপ্ৰাপ্ত চেনি আৰু দাইল ১০০ টকাত উপলব্ধ কৰাৰ সিদ্ধান্ত লৈছে। পূৰ্বে প্ৰস্তাৱ কৰা ১০৫ টকাৰ পৰিৱৰ্তে এতিয়া ১০০ টকাতে এই সামগ্ৰী লাভ কৰিব।
লগতে পঢ়ক: কাগজবিহীন হ’ব অসমৰ চৰকাৰী কাৰ্যালয়
