অসম ৰাজ্যিক দুৰ্যোগ ব্যৱস্থাপনা কৰ্তৃপক্ষৰ তথ্য অনুসৰি অসমৰ লগতে চুবুৰীয়া অৰুণাচল প্ৰদেশত ধাৰাবাহিকভাৱে হোৱা ধাৰাসাৰ বৰষুণৰ ফলত ছয়খন জিলাৰ ২২ হাজাৰৰো অধিক লোকক ক্ষতিগ্ৰস্ত হৈছে।
অসমৰ লগতে চুবুৰীয়া অৰুণাচল প্ৰদেশত ধাৰাবাহিকভাৱে হোৱা ধাৰাসাৰ বৰষুণৰ ফলত প্ৰলয়ংকাৰী বানপানীৰ ফলত ছয়খন জিলাৰ ২২ হাজাৰৰো অধিক লোক ক্ষতিগ্ৰস্ত কৰিছে।
অসম ৰাজ্যিক দুৰ্যোগ ব্যৱস্থাপনা প্ৰাধিকৰণে প্ৰকাশ কৰা তথ্য অনুসৰি, ধেমাজি, নলবাৰী, ডিব্ৰুগড়, চিৰাং, লখিমপুৰ আৰু কোকৰাঝাৰ জিলাত মুঠ ২২,১২৪ গৰাকী লোক বানপানীৰ ফলত ক্ষতিগ্ৰস্ত হৈছে। ইয়াৰ ভিতৰত ধেমাজি জিলাত সৰ্বাধিক ক্ষতিগ্ৰস্ত হৈছে, য’ত ১৫,৪৮৩ গৰাকী লোক বানপানীত আৱদ্ধ হৈ আছে।
এই বানৰ ফলত বহু ঘৰ-দুৱাৰ আৰু কৃষিভূমিৰ ব্যাপক ক্ষতি হৈছে। প্ৰাধিকৰণৰ প্ৰতিবেদন মতে, ৯৬খন গাঁও জলমগ্ন হৈ পৰাৰ লগতে প্ৰায় ১৬৯০ হেক্টৰ শস্যৰ ক্ষেত্ৰ নষ্ট কৰিছে।
ধাৰাষাৰ বৰষুণৰ ফলত ব্ৰহ্মপুত্ৰ নদী আৰু ইয়াৰ উপনৈসমূহো উফন্দি উঠিছে। ইফালে, আন্তঃগাঁথনিৰ ক্ষতিয়ে সমস্যা আৰু অধিক জটিল কৰি তুলিছে। ধেমাজি জিলাৰ চিমেন নদীৰ ওপৰত থকা এখন ৰে’লৱে দলং ধাৰাসাৰ বৰষুণ আৰু খহনীয়াৰ ফলত আংশিকভাৱে ভাগি পৰিছে, যাৰ ফলত অঞ্চলটোৰ ৰে’ল সংযোগ ব্যাহত হৈছে।
উত্তৰ-পূব সীমান্ত ৰে’লৱেৰ মুখ্য জনসংযোগ বিষয়াৰ ভাষ্য অনুসৰি, ধেমাজি জিলা আৰু ইয়াৰ আশে-পাশে ১১০ মিলিমিটাৰতকৈ অধিক বৰষুণ হোৱাৰ ফলত অহা বানে ব্যাপক খহনীয়াৰ সৃষ্টি কৰিছে।সতৰ্কতামূলক ব্যৱস্থা হিচাপে, আৰ্চিপথাৰ আৰু চিমেন চাপৰি ষ্টেচনৰ মাজত ৰে’ল চলাচল সাময়িকভাৱে বন্ধ ৰখা হৈছে।তিনিচুকীয়া সংমণ্ডলৰ অন্তৰ্গত মুৰকংচেলেক আৰু চিলাপথাৰৰ মাজৰ পথত ৰে’লৰ চলাচল পৰৱৰ্তী জাননী নিদিয়ালৈকে বন্ধ থাকিব।
অসমৰ বিভিন্ন প্ৰান্তত বৰষুণ অব্যাহত থকাৰ পৰিপ্ৰেক্ষিতত প্ৰশাসনে বান পৰিস্থিতিৰ ওপৰত তীক্ষ্ণ নজৰ ৰাখিছে।
লগতে পঢ়ক: ধেমাজিত প্ৰলয়ংকাৰী বানৰ তাণ্ডৱ; উদ্বিগ্ন মুখ্যমন্ত্ৰী
