মুখ্যমন্ত্ৰী ড০ হিমন্ত বিশ্ব শৰ্মাই কয় যে শেহতীয়াকৈ সংঘটিত হোৱা ক্ষন্তেকীয়া বানপানীৰ ফলত নেপালত আবদ্ধ হৈ থকা ৰাজ্যখনৰ আঠজন লোকক নিৰাপদে উদ্ধাৰ কৰা হৈছে আৰু সোমবাৰে ঘৰলৈ উভতি আহিব।
৩০ আগষ্ট, দেওবাৰে অসমৰ মুখ্যমন্ত্ৰী ড০ হিমন্ত বিশ্ব শৰ্মাই কয় যে শেহতীয়া আকস্মিক বানৰ পাছত নেপালত আৱদ্ধ হৈ পৰা ৰাজ্যখনৰ আঠগৰাকী লোকক সুৰক্ষিতভাৱে উদ্ধাৰ কৰা হৈছে আৰু তেওঁলোক সোমবাৰে ঘৰলৈ উভতি আহিব।
এক্সৰ এটা পোষ্টত মুখ্যমন্ত্ৰীগৰাকীয়ে জনায় যে উদ্ধাৰ হোৱা আঠোগৰাকী ব্যক্তিৰ সৈতে তেওঁ কথা পাতিছে আৰু তেওঁলোকৰ উদ্ধাৰ কাৰ্যত সহায় কৰাৰ বাবে ‘চি জি কৰ্প’ৰ (CG Corp) বৰুণ চৌধুৰীক ধন্যবাদ জ্ঞাপন কৰিছে। উদ্ধাৰ হোৱা লোকসকল হ’ল— পংকজ বাৰ্মা, সমৰ বেজবৰুৱা, গৌতম দাস, গোপাল দেবনাথ, সোণেশ্বৰ নাৰ্জাৰী, চাৰ্বিচন মাৰাক, চিলভা মাৰাক আৰু এলফিচন চাংমা।
মুখ্যমন্ত্ৰী গৰাকীয়ে কয় আঠোগৰাকী লোকেই সুৰক্ষিত আৰু কাইলৈ ঘৰলৈ উভতি আহিব। নেপালত আকস্মিক বানৰ ঘটনাৰ পাছত সন্ধানহীন হৈ থকা অসমৰ অন্যান্য লোকসকলৰ সন্ধান উলিয়াবলৈ প্ৰচেষ্টা অব্যাহত আছে।
উদ্ধাৰ অভিযানৰ সময়ত চৌধুৰীৰ “সময়োপযোগী সহায়” আৰু সমৰ্থনৰ বাবেও মুখ্যমন্ত্ৰী গৰাকীয়ে কৃতজ্ঞতা প্ৰকাশ কৰে।
২৮ আগষ্টত মুখ্যমন্ত্ৰী গৰাকীয়ে কৈছিল যে নেপালত আকস্মিক বানৰ পাছত সন্ধানহীন হৈ থকা ৰাজ্যখনৰ ১২ গৰাকী লোকক অসম চৰকাৰে চিনাক্ত কৰিছে।
শেহতীয়া তথ্য অনুসৰি, পূৰ্বে সন্ধানহীন বুলি খবৰ পোৱা লোকসকলৰ ভিতৰত আঠজন সুৰক্ষিত বুলি নিশ্চিত কৰা হৈছে আৰু তেওঁলোক অসমলৈ উভতি অহাৰ আশা কৰা হৈছে।আনহাতে বাকী থকা লোকসকলৰ সৈতে যোগাযোগ স্থাপনৰ বাবে প্ৰচেষ্টা অব্যাহত আছে।
লগতে পঢ়ক: পুনৰ বৃদ্ধি পাইছে ভোটো কোশী নদীৰ জলস্তৰ; কেইবাখনো জিলাত হাই এলাৰ্ট জাৰি
