জৰুৰীকালীন সঁহাৰিৰ আন্তঃগাঁথনি শক্তিশালী কৰি আৰু বিমান সুৰক্ষাৰ প্ৰতি নিজৰ দায়বদ্ধতাক শক্তিশালী কৰি গুৱাহাটী লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত মোতায়ন হ’ল অত্যাধুনিক গগনচুম্বী সংকটকালীন অগ্নিনিৰ্বাপক বাহন।
উত্তৰ-পূব ভাৰতৰ বিমান পৰিবহণৰ এক সুৰক্ষিত, নিৰাপদ আৰু বিশ্বাসযোগ্য দুৱাৰমুখ হিচাপে গুৱাহাটীৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰক অধিক শক্তিশালী কৰি তুলিবলৈ ইয়াৰ জৰুৰীকালীন সঁহাৰি আন্তঃগাঁথনি আৰু বিমান সুৰক্ষাৰ ব্যৱস্থাক অধিক উন্নত কৰা হৈছে।
ইয়াৰ অংশস্বৰূপে বিমান বন্দৰটোৰ ‘এয়াৰক্ৰাফ্ট ৰেচকিউ এণ্ড ফায়াৰ ফাইটিং’ (ARFF) অৰ্থাৎ গুৱাহাটী বিমানবন্দৰত মোতায়ন হ’ল অত্যাধুনিক গগনচুম্বী সংকটকালীন অগ্নিনিৰ্বাপক বাহন। এই বাহিনীত শেহতীয়াকৈ এক উন্নত প্রযুক্তিসম্পন্ন ‘হাইড্ৰলিক হাই ৰীচ এক্সটেণ্ডিবল টাৰেট’ ক্রাশ্ব ফায়াৰ টেণ্ডাৰ আৰু পানীৰ উদ্ধাৰকাৰী নাৱেৰে জৰুৰীকালীন ব্যৱস্থা শক্তিশালী কৰি তোলা হৈছে।
এই অত্যাধুনিক HRET ক্ৰাশ্ব ফায়াৰ টেণ্ডাৰখনৰ সংযোজনে বিমান বন্দৰটোৰ জৰুৰীকালীন প্ৰস্তুতিৰ ক্ষেত্ৰত এক গুৰুত্বপূৰ্ণ মাইলৰ খুঁটি হিচাপে চিহ্নিত হৈছে। অগ্নিনিৰ্বাপক বাহন আৰু সঁজুলি প্ৰস্তুত কৰা বিশ্ববিখ্যাত ৰ’জেনবাৱাৰ কোম্পানীয়ে নিৰ্মাণ কৰা এই বিশেষ জৰুৰীকালীন সঁহাৰি বাহনখনত এখন প্ৰসাৰিত কৰিব পৰা টাৰেট (Extendable Turret) আছে, যাৰ সহায়ত জৰুৰীকালীন পৰিস্থিতিত বিমানৰ ওপৰৰ অংশসমূহ সহজে ঢুকি পাব পৰা যাব। এই উন্নত প্ৰণালীটোৱে অগ্নিনিৰ্বাপক কৰ্মীসকলক অতি কম সময়ৰ ভিতৰত স্পৰ্শকাতৰ বা জৰুৰী স্থানসমূহত উপনীত হোৱাত সহায় কৰিব। ইয়াৰ ফলত জটিল বিমান উদ্ধাৰ আৰু অগ্নিনিৰ্বাপক অভিযানৰ সময়ত সঁহাৰি জনাবলৈ লগা সময় কমি যাব আৰু কাৰ্যক্ষমতা বৃদ্ধি পাব। এই বৰ্ধিত ক্ষমতাই যাত্ৰীসকলৰ সুৰক্ষা বৃদ্ধি কৰাৰ লগতে ক্ৰু মেম্বৰ বা বিমান কৰ্মীসকলৰ সুৰক্ষা নিশ্চিত কৰিব আৰু জৰুৰীকালীন অৱস্থাত বিমান বন্দৰৰ আন্তঃগাঁথনিকো ৰক্ষা কৰিব বুলি আশা কৰা হৈছে।
এই উন্নয়নৰ পৰিপূৰক হিচাপে, গুৱাহাটী বিমান বন্দৰে ইয়াৰ জৰুৰীকালীন সঁহাৰি ব্যৱস্থাত উদ্ধাৰকাৰী নাওসমূহো অন্তৰ্ভুক্ত কৰিছে, যাৰ ফলত বিমান বন্দৰৰ কাৰ্যক্ষম এলেকাৰ ভিতৰত আৰু তাৰ আশে-পাশে থকা জলাশয়সমূহত উদ্ধাৰ অভিযান চলোৱাটো সম্ভৱ হৈ পৰিব।
এই নতুন সংযোজনৰ সৈতে, বিমান বন্দৰটোৱে এতিয়া এক অধিক ব্যাপক আৰু বহুমুখী জৰুৰীকালীন সঁহাৰি ব্যৱস্থা গঢ়ি তুলিছে, যি বিমান বন্দৰৰ ভিতৰৰ অংশ (Airside), বাহিৰৰ অংশ (Landside) আৰু পানী—সকলোতে সংঘটিত হ’ব পৰা ঘটনাৰ মোকাবিলা কৰিবলৈ সক্ষম। বিমান বন্দৰৰ বিষয়াসকলে জানিবলৈ দিয়া মতে, এই উন্নত প্ৰস্তুতিয়ে গুৱাহাটী বিমান বন্দৰক এই অঞ্চলটোৰ এনে এক সীমিত সংখ্যক বিমান বন্দৰৰ তালিকাত অন্তৰ্ভুক্ত কৰিছে, য’ত একাধিক কাৰ্যক্ষম ক্ষেত্ৰত একত্ৰিত জৰুৰীকালীন সঁহাৰি জনোৱাৰ ক্ষমতা আছে।
HRET ক্ৰাশ্ব ফায়াৰ টেণ্ডাৰ আৰু পানীৰ উদ্ধাৰকাৰী নাওসমূহৰ এই অন্তৰ্ভুক্তিক গুৱাহাটী বিমান বন্দৰৰ জৰুৰীকালীন সঁহাৰি ক্ষমতা শক্তিশালী কৰাৰ ক্ষেত্ৰত এক প্ৰধান পদক্ষেপ হিচাপে গণ্য কৰা হৈছে, যিয়ে উত্তৰ-পূব ভাৰতৰ বিমান পৰিবহণৰ বাবে ইয়াক এক সুৰক্ষিত, নিৰাপদ আৰু নিৰ্ভৰযোগ্য বিমান বন্দৰ হিচাপে প্ৰতিষ্ঠা কৰিব।
লগতে পঢ়ক: সৰবৰাহকাৰীৰ কৱলৰ পৰা মুক্ত হৈ ছিখনা জহলাওত নতুন জীৱন পালে ৭টা সোণালী বান্দৰে
